您的購物袋內沒有商品！
會員中心
收藏
訂單記錄
電影其中嘅一個功用就係將平時少留意的人事放上大銀幕，讓觀眾專注細察。近年有論擔心深水埗仕紳化，呢套電影就好似一個回應咁，將文青依家最鍾意去chill嘅深水埗還回原狀，殘忍，但有必要。
改編至真人真事，濁水漂流嘗試用社會最底層嘅一群人反映社會嘅現況。不論電影成功與否，呢種紀錄嘅心都已經值回票價了。
當然電影中一句句針對性嘅對白最刺激到觀眾嘅神經，由吳鎮宇飾演嘅呢個流放人講出，不禁令香港人對號入坐，戲內人與坐上客，大家嘅處境其實都係同樣碌撚，世道落得如此﹐實在值得令人深思。
最鍾意嘅係由柯煒林飾演失語嘅年輕人，出走富裕嘅居所，反而係天橋底搵到自由同歸屬感，長輩們一心好意安排佢嘅返回舊居，對這位年輕人又是否公平呢。
必須要提黃衍仁再一次為本地悲劇紀實電影作的主題曲《濁水漂流》，譜出香港的城市哀愁，尤其他吟出「回家吧。天黑前回家。」這句大家都熟悉過的警告，大家都必然有感。喚無家者回家，豈不是惺惺作態的驅趕? 誠心者的願望最後諷刺地響成哀嚎。希望這不會是香港的前景。
-梅迪斯
