您的購物袋內沒有商品！
會員中心
收藏
訂單記錄
係充滿戾氣嘅時代，象徵住暴烈氣息嘅post punk音樂都百花齊放，甚至進入左各據一方嘅群雄年代。世界前景唔明朗，可預計未來幾年後崩界將會有一場刀光劍影嘅大混戰。以下就介紹近幾年表現非常好嘅樂團俾大家choose your fighter.
先講下現時嘅四大軍閥：
Fontaines D.C. 極速冒起的超新星，抒發為人的鬱悶之餘有深刻的社會洞察。樂曲克制、張馳有度，男女老少都能迷醉其中。
Protomartyr 四大中最有年歷的一隊，張張都係精品，樂器採用多樣式，慍而不急，不斷探索post -punk sound嘅界限。
IDLES 雖然同Protomartyr同期成軍，但到好後期先嶄露頭角。主音Joe Talbot暴怒而高亢嘅聲線刻下post punk大時代嘅標誌。
shame 近年一嗚驚人的樂隊，歌曲短而悍，一節一句都充滿礦野氣息的野蠻。主音Charlie 爆汗式的唱法澎湃有力，加上又有唔少catchy嘅melody，出色的舞台感染力受一眾indie樂迷所愛。(聽日會出新專輯。)
再黎介紹下幾隊，有實力爭霸一方嘅游擊團：
The Murder Capital 我私心最喜愛的post punk樂隊，近art rock式的風格有型，每種樂器各自翲馳，協調出不一樣的氣氛。
Do Nothing 西裝post-punk，文學性比較特出，讀書式唱腔，絕對會吸引到一班比較文靜嘅人口味。
Show Me The Body 音感最重型、暴力的一隊，隨住樂隊成長愈玩愈多樣進步。
Heavy Lungs 即便放埋上四大都毫不輸蝕的樂隊，具初生之犢的稚嫩狂妄，暫時只有細碟推出，如果大碟一定會推薦俾大家。
Girl Band 噪音同實驗空間都比其他樂隊更多嘅一隊，聲音相當前衛有趣。
Squid 小號係樂隊一大特色，主音兼顧鼓手，速度更迭多加上荒腔走板嘅曲風，俾人一種耳目一新嘅眩惑感。
不過係我心目中，有隊跨越眾多音樂領域、Above all 嘅大將係到，等佢地遲啲2月有album面世再迫大家聽。
我地整左個playlist輯左除左以上提及嘅樂隊，仲有近年幾有力嘅post punk歌上去，有興趣可以禁入去聽~
-梅迪斯
