如果被甫開場聽到Joy division 〈Atmosphere 〉嘅低迴鼓聲俾到錯覺你以為呢張係dark wave作品，10秒後出現嘅《破壞之王》達叔對白就會糾正你想法，其實由封面就可知呢隻碟係自嘲成份居多失戀自處指南。

Jingyi以lo-fi bedroom pop風格為主，當然可能係想延續佢係前樂隊Salad Kowloon擔任主唱嘅情意結，而同時又係OC2S的主筆嘅佢(正職係share J圖俾朋友)，係吸收海量音樂養份之後，選擇呢種低處理嘅音樂呈現，係相當明智嘅決定，因為bedroom pop係最能夠接近原真地表達臥室獨有嘅情緒，亦透過獨白、提唔起勁嘅唱法同sampling，Jingyi交出左最赤裸嘅自己出黎。

其中最喜歡〈Every Pain Has A Name〉嘅尾段，唱完“When it’s finally the end of our time
Listen, listen Echoes in my vein”後加上自己同EX遊玩嘅錄音，要人刻意傾聽自己嘅痛處，就好似《Paris，Texas》入面Travis 翻睇VCR咁，言猶在耳嘅甜膩回憶，一句只有單向聯想意味嘅「黎過啦」以濕漉嘅結他聲帶過，重回溫馨時光，用放大鏡觀察傷口的痂，呢份直白需要嘅勇氣不比彈奏技巧少。就算做sad boi都要做個generative嘅sad boy，Jingyi呢種捨我精神值得大家學習。

展露失戀嘅後事，自然要帶你走出情感嘅枷鎖，就好似開頭取樣達叔個句「信我，我幫你」咁，Jingyi希望呢隻碟幫到自己亦望到人，佢嘅作法係係〈前者又係後者〉將所有EX同呢個城市有關嘅連結好似念咒咁逐一列出瀏覽再拋擲於空，然舌睇返套港產片回歸女死女還在嘅陀地心態。就好似最後〈走投有路〉 張家輝嘅對白咁，對於下位出現嘅女性，我地可以有要求！(雖然有睇過戲嘅清都知只係另一次中伏嘅開始)

Anyway，條女冇左，點都好過條女有左。祝福Jingyi。

-梅迪斯