您的購物袋內沒有商品！
會員中心
收藏
訂單記錄
Britpop 係第二波英倫文化入侵(British Invasion)既代名詞，名詞只係一個包裝，Suede就好抗拒人地形容佢地為Britpop，簡單化佢地既音樂。但係外國人角度，係呢一籃子包裝入面每隊Band都玩出自己既特式，係引人入勝既文化寶藏。
然後有Oasis vs Blur之爭論，有人覺得係媒體炒作、係偽命題，兩者兼得先係成熟表現。我成日覺得兩者之爭就好比後五四時期左聯VS新月派咁，兩派都有好精彩既文學作品，兩邊都欣賞得唔得？得，你以「外人身份」睇呢件事就可以兩者兼得，但當你置身其中你就必須歸邊。我愛Oasis，都好鍾意Blur，但我依然會做選擇因為我真係視佢地既音樂為一回事，佢地背後既意識形態同我既Identity有關，所以歸邊，係我充分理解兩者後既選擇。
今日5月6，上心既人會記得7年前呢日幾開心。回想自己既生活同英搖既交集：因為有聽Oasis所以成為英文會考口試當日唯一識讀cigarettes既人、因為睇Stone Roses 識到好多人、同佢係萬聖節著到鬼五馬六去睇The Cribs，大家互相借The Smiths既碟抄Pulp既歌詞寄意.....好多好多。生活冇左呢啲情節一樣得，但係有英搖潤飾呢啲小事，我無聊既人生頓時間都變得有趣味好多。
相信各位投票既朋友，或多或少都有英搖陪伴過你既故事，不如放低係留言區，我地想聽下英搖係你人生中扮演左咩角色，又會唔會咁啱搵到同你相同經歷既人呢~(梅)
