咄咄迫人的後龐之王

記得上月出左篇post-punk大時代嘅文介紹一眾值得期待嘅新時代後龐樂隊，收結之前預告左一隊「Above All」嘅存在，依家就趁佢啱啱出完碟黎正式介紹下呢隊我心目中嘅後龐之王--Black Country ,New Road。

佢地原本叫做Nervous Conditions，出身劍橋嘅佢地因為主唱捲入性控訴所以換走左主音、原班底再自組一隊Black Country ,New Road，點估到換上舊結他手Isaac任主唱位之後個種Raw power更加被激發出黎。

不得不提嘅係佢地嘅樂隊編制，除左典型Full Band四寶，更有小提琴、色士風樂手，立刻就令人聯想起postrock、progressive rock的風格、注定係要有一番作為的。咁當然有好編制就唔代表一定玩得好，但佢地呢隊Band最犀利嘅地方係在於好識得「Built Up」首歌。唔用悅耳嘅melody作招徠，反而用帶點詭異嘅節奏逐少逐少咁引你上反高潮漩渦。

我鍾意一位外國網友嘅形容--anxiety attack，返工聽係完全難耐攞苦黎辛，但係認真聽你會莫名覺得同自己relatable。我諗一個原因係平常歌詞同失序音樂之間嘅落差。歌詞其實並唔特別，日常到唔日常，講下啊媽食乜、係IG見到乜，但正正係呢種日常生活之中潛藏暗湧，如音捲汐而來，好反映到時代嘅不安精神狀態，只少同我有好深厚嘅連結。

專輯推出一星期，攻陷左一眾樂評雜誌，唯獨是由佢地出Single就開始追隨嘅樂迷唔多滿意。因為專輯版成品明顯較之前收斂，歌詞亦作少幅修改，減弱了樂隊的暴銳感，樂迷擔心此舉會開了妥協的第一步，樂隊的原真會被慢慢磨蝕。

但我作為一個新進打手，就認為修改後嘅專輯版更顯樂隊成熟調整嘅能力，而絲毫不減佢地嘅狂放稚氣。

呢一點，係你個班已經聽左幾年、上哂岸嘅Band身上，搵唔到了。

-梅迪斯

用一場Live說服你，比專輯更有壓迫感：

《For the first time》全碟試聽
https://youtu.be/95k_xxZvMIc

原本Nervous Conditions的歌曲：
https://soundcloud.com/user-556457606 
​
​